拉麵台風 (已搬遷) 新店位置

本来系睇Facebook知道有呢间野，又以为系好似以前咁吹棒出来所以多人识，行过荃湾就决定试下，原来真系好食到唔讲得笑。<红色暴雨拉面>汤底浓厚唔油腻，饮得出系真材实料，拉面软硬适中，叉烧肉味香浓，加埋半只流心蛋，真系一D缺点都揾唔到，而且仲可以拣辣度，面既软硬，份量岩岩。虽然要等成30分钟，而且环境比较细，坐得比较迫，但系食到咁好食既野真系咩都抵返哂，唔系吹水，呢间真系我系香港食过最好食既拉面，希望佢地可以继续努力，可以换到更好既环境俾食客。