影片
更多
2010-05-18
14 浏览
我同我老婆都钟意食辣,识我哋嘅朋友都知,食野仲好奄尖添......上个月尾某个星期六忽然兴起同佢过海食饭,我就谂住太兴楼扫街>恒河>寿司屋,竟然太兴楼见面不如闻名,咁就向下一站恒河进发喇......点知好食到连相都唔记得影,趁今次老婆生日encore一次,收工专程坐地铁千里迢迢嚟到西湾河食呢餐饭,可以话你听值得嘅!不过先讲个贴士俾你,7点之前好嚟喇,唔系嘅话有机会要等位,就算有位又因为人多D𩠌菜等得耐就无瘾啦!我今日6点由荃湾搭MTR去到西湾河,上到地面已经7点天黑喇,就急急脚过马路行去恒河,未过马路已经闻到𠮶种令人"标汗"嘅香气......托赖今日星期一晚,仲未系好多人系度,事头婆话寻日(星期日)嚟你就等下啦,有好多人等唔到过咗东大街......上次食咗"巴辣鸡(大辣)"+"MALASA羊膝(大辣)"+"咸味酸乳"+"羊肉薄饼"......可能太辣(虽然食到)但味就食唔真,香料就够喇,仲啖啖肉添,啱晒我但老婆唔LIKE,所以今晚由佢拍板,话晒生日嘛......今晚拣咗2个主菜+1个薄饼+1杯酸乳......例牌小食>胡椒饼,今日相对辣咗D,当然仲有薄荷酱+泰式
上个月尾某个星期六忽然兴起同佢过海食饭,我就谂住太兴楼扫街>恒河>寿司屋,
竟然太兴楼见面不如闻名,咁就向下一站恒河进发喇......点知好食到连相都唔记得影,
趁今次老婆生日encore一次,收工专程坐地铁千里迢迢嚟到西湾河食呢餐饭,
可以话你听值得嘅!不过先讲个贴士俾你,7点之前好嚟喇,唔系嘅话有机会要等位,
就算有位又因为人多D𩠌菜等得耐就无瘾啦!
我今日6点由荃湾搭MTR去到西湾河,上到地面已经7点天黑喇,就急急脚过马路行去恒河,
未过马路已经闻到𠮶种令人"标汗"嘅香气......
托赖今日星期一晚,仲未系好多人系度,
事头婆话寻日(星期日)嚟你就等下啦,有好多人等唔到过咗东大街......
上次食咗"巴辣鸡(大辣)"+"MALASA羊膝(大辣)"+"咸味酸乳"+"羊肉薄饼"......
可能太辣(虽然食到)但味就食唔真,香料就够喇,仲啖啖肉添,啱晒我但老婆唔LIKE,
所以今晚由佢拍板,话晒生日嘛......今晚拣咗2个主菜+1个薄饼+1杯酸乳......
例牌小食>胡椒饼,今日相对辣咗D,当然仲有薄荷酱+泰式酸甜辣酱,
主菜1>铁板八爪鱼,事头婆都话睇到都觉得JUICY,当然早到有著数,师傅都有心机D喇,
味唔太浓,仲可以连配菜洋葱红椰菜一齐食......
主菜2>MALASA烧羊鞍,如果以猪应该系RIBS,有3大旧,有"赵头咬口"但唔靭唔鞋,捞埋配菜青椒一齐食又会唔觉意咬到辣椒丝,好过瘾,最窝心嘅系两次都系先出淡口再出浓味菜式......
仲有薄饼>牛油薄饼,够香但唔漏,少少"窿(焦)"今佢挺身D浸落汁度都无咁快"林"......
老实讲,唔食"窿(焦)"就算吧啦!
酸乳>今晚饮嘅系芒果酸乳,但唔系一定有,老板𠮶日无买芒果就无得饮喇......
原来冻甜嘅酸乳系可以解辣,如果加上芒果嘅香味就更易入口,更易获得女仔嘅欢心,
倾倾下事头婆又捧咗碟薄饼出嚟,今次系甜嘅"红豆薄饼"送俾我哋食......
今次煎到趣趣地,入面搽咗薄薄一浸红豆蓉,入口唔甜,竟然仲食得晒,
千祈咪话人哋"孤寒"得咁少红豆,你估上海舖嘅豆沙㶽饼咩!佢都当堂笑咗出嚟!
细问之下入面嘅豆蓉系用日本红豆做嘅,食落唔怪得之唔会起渣啦!
成餐饭个气氛好好,同店员可以有讲有笑,之但系真系要早到,坐近出菜收银嘅位置,
就比较容易得到既贴身又贴心嘅服务......
虽然事头婆比较串咀,但讲好多野都好有大道理,有兴趣都可以交流下呀!
服务方面就家庭式,人一多就有可能兼顾唔到,话晒都系事头婆+一个识广东话嘅外藉+一个事头婆个仔嘅同学嚟做part-time组成嘅楼面......听我讲,早D去,坐楼下会有唔同嘅体验!
P.S:如果你有6位甚至8位以上建议你食头围,虽然佢唔会赶你走,但好难系8点后留到位俾你一次过入枱,将心比心,想食好野,就下人大家都好啦.......
张贴
