大盛日本料理 (已結業)

小编呢几日都非常忙，日日食嘅都系一啲好简单嘅嘢，但系衬前几日屋企人同自己都得闲少少，所以就去左新蒲岗嘅呢间日本餐厅食晚餐。其实呢一间餐厅我地屋企都成日会去光顾，因为一直都觉得好抵食。喺新蒲岗附近嘅巴士站落车，行去餐厅，其实时间唔耐，5分钟一定行到过去，都算方便嘅。到达间餐厅嘅时候其实都唔洗点等位，已经好快就有得入座。小编食过咁多次，其实等位个方面真系唔需要担心，最迟都系10分钟就有位，如果好似小编呢啲极度讨厌等待嘅人其实都几好。餐厅入面嘅环境唔会好光，暗暗地，成个感觉唔差，唯独是有可能会同人搭台。好彩嘅系我地今次有6个人，唔洗同人搭台！嗌嘅都系一啲平时会食到嘅嘢，当中小编觉得豚肉炒野菜系最好食嘅！呢道菜其实有2个选择，豚肉或牛肉，但其实经过小编食过咁多次嘅经验，豚肉系好食啲嘅。其实总体来说，呢一间餐厅好食，价钱虽然冇放题咁抵，但食物质素好！值得大家一试。