雞駅花膠雞米線專門店

营业中

休息中

观塘工厦区一向多好嘢食，今日试咗呢间骆驼漆新开嘅鸡駅花胶鸡米线专门店，很不错，！招牌花胶鸡米线 $68花胶有几旧，虽然唔系夸张嘅大大旧，但系爽口得黎有啲胶质系出色嘅表现。而且鸡件唔系好肥得黎，嫩滑好有味。米线份量岩岩好，汤底系清鸡汤，饮晒啲汤系对厨师嘅尊重。药膳黄酒花胶鸡米线 $68淡淡嘅药膳黄酒味，但系汤底偏咸少少，相比起招牌花胶鸡重口味啲！不过男朋友中意药膳汤底多啲，同样鸡件都系好好食。加$5可以转上海面，面质刚好，有啲咬口，唔会太淋。香草牛油鸡翼 $42新鲜整好，加埋黄牛油汁，味道好特别，有5只CP值唔错。整体黎讲，工厂大厦入面一间隐世高质花胶鸡米线餐厅，CP值几高。