雲長小龍坎老火鍋 (已結業)

话说昨晚同好朋友去咗呢度打边边庆祝生日，两个人，一入到去气氛超好，好热闹，服务员都非常好态度，好快趣就嚟咗个汤底，我哋一人一半一个马勒一个番茄🍅真系好食到爆炸，今日仲回味紧。足料清甜，饮清晒。超级推介！👍👍👍👍👍超邪恶嘅海鲜的确好邪恶，不过真系好香好好味。鲍鱼太大只，肥牛都超好味，最估唔到系个鱼皮饺，谂住一般般嘅鱼皮饺点知佢同平时嘅好唔同，回味指数爆灯😋😋😋😋😋爽滑、流沙黑松露云吞正爆、白蚬、牛肉，全部好新鲜好正！地点方便，诺士佛台行过多少少，坐得舒服，中国风装修、睇返出边啲相原来劲多名人都黎过，好多服务员帮手，所以成日都有人叫：“唔该” “唔该"。仲好快手过到嚟，服务一流！近年食过觉得好正嘅边边，一定要再去！