船皇 (謝斐道) (已結業)

前排又去食左船皇！佢嘅船面食完之后真系番唔到转头🤤呢间黎自泰国🇹🇭过江龙嘅船皇系泰国有50间分店！佢地嘅船面好食得黎超地道，尤其系佢嘅汤底好出名，用牛骨、猪血、斑兰叶、枸杞等每日新鲜熬制8个钟而成，唔怪得咁受欢迎🤗拣左午市时间去食，佢嘅午市套餐好抵，任何船面都系均一价钱，跟餐配饮品同小食各一款，都系$78！＋$10仲可以升级做和牛船面添🥩🤩另外佢地最近仲做紧疫情优惠，推出左「牛魔王/船皇串烧拼盘」同埋「船皇车仔面」😛紧系要试下啦🔻船面面底可以拣蛋面/米粉/金边粉/河粉，佢嘅汤底真系好浓郁，好有药材汤嘅味道😍啲面非常入味，和牛肉质好嫩一啲都唔韧，仲有佢嘅炸猪皮都好出色😛超脆超香口😋🔻小食拣左单骨泰妹鸡翼4件同泰式无骨凤爪，鸡翼煎得好香口，单骨好方便食添😛无骨凤爪酸酸甜甜咁，仲要冇骨，好食😆🔻另外仲食左牛魔王串烧拼盘$88，有牛柳粒、牛舌同沙爹牛肉各两串，食落好惹味，辣度适中😛🔻饮品方面就叫左泰仔冻奶茶（套餐+$8）同冻咖啡，佢用个好有特色嘅容器装住，感觉好地道😛奶茶好香滑，甜度适中👍🏼