影片
更多
2022-01-14
215 浏览
一直都好钟意食印度菜，但系好难揾到朋友陪我食。 难得揾到朋友就上网揾咗间睇落唔错嘅印度餐厅食。我地先叫咗d前菜食下。其实都要d时间睇下餐牌，因为睇完菜名都唔知系咩，好彩每个菜名下都有少少英文介绍有咩食材。Dahi Golgappe 好得意嘅前菜，佢系一个炸嘅空心面团，入面系满满嘅酱汁，酸酸辣辣，一食落好似饮紧汤咁，入面仲有少少薯仔蓉咁。重口味嘅人应该会钟意食。可能因为有薄荷青酱嘅关系，食落其实又唔会好滞。好有特色!Tawa Fish呢个鱼整得好好食，虽然外面睇落系有少少㶶，但食落入面系好滑，鱼肉白雪雪，仲有少少湿润，一d都唔干。配埋橙绿色嘅青酱同埋辣酱，感觉好开胃。去到主菜，由鸡、牛、羊、去到鱼虾，肉类嘅种类多到令人选择困难症发作。最后睇咗OpenRice推介叫咗一个Punjabi Kukkad Makhanwala。 超！好！食！其实佢系类似butter chicken, 冇谂过会咁好食，朋友食到唔停口。佢个汁一啲都唔辣，好creamy, 蕃茄嘅鲜味令到佢食落好开胃，好啱送薄饼。个鸡肉又系好滑，呢一个𩠌系令到我哋会想再encore依间餐厅。另一个主菜点咗Nalli Nihari佢落咗
我地先叫咗d前菜食下。其实都要d时间睇下餐牌，因为睇完菜名都唔知系咩，好彩每个菜名下都有少少英文介绍有咩食材。
Dahi Golgappe
好得意嘅前菜，佢系一个炸嘅空心面团，入面系满满嘅酱汁，酸酸辣辣，一食落好似饮紧汤咁，入面仲有少少薯仔蓉咁。重口味嘅人应该会钟意食。可能因为有薄荷青酱嘅关系，食落其实又唔会好滞。
好有特色!
Tawa Fish
呢个鱼整得好好食，虽然外面睇落系有少少㶶，但食落入面系好滑，鱼肉白雪雪，仲有少少湿润，一d都唔干。配埋橙绿色嘅青酱同埋辣酱，感觉好开胃。
去到主菜，由鸡、牛、羊、去到鱼虾，肉类嘅种类多到令人选择困难症发作。
最后睇咗OpenRice推介叫咗一个Punjabi Kukkad Makhanwala。 超！好！食！
其实佢系类似butter chicken, 冇谂过会咁好食，朋友食到唔停口。佢个汁一啲都唔辣，好creamy, 蕃茄嘅鲜味令到佢食落好开胃，好啱送薄饼。个鸡肉又系好滑，呢一个𩠌系令到我哋会想再encore依间餐厅。
另一个主菜点咗Nalli Nihari
佢落咗成条羊骨喺入面，肉质嫩滑，羊肉味唔算好重，个烩汁亦都系用咗好多香料，味道浓郁。
包都有好多选择。我同朋友比较重口味，就拣咗一啲有味多啲嘅包。
Truffle nan
Butter nan
两款nan都好软身，新鲜整好热辣辣。当然truffle nan会比butter nan入味。
从来未喺香港食过，用蕃红花整嘅雪糕，入面落咗啲果仁同埋开心果，一粒粒咁食好易入口好特别。原本以为印度嘅甜品都会太甜， 可能佢都就咗香港人口味，唔会太甜。
整体来讲系好满意嘅一餐，会再帮衬。
张贴
