Cafe Fabulous

营业中

休息中

嚟到旺角，想揾个地方可以坐耐少少，同埋玩board game，就嚟到登打士街广场呢间Cafe，几好坐，啲嘢又好食。芝士烟肉焗西兰花西兰花偏腍，配上白汁同芝士，食落味道几丰富。焗自家制芝士肉酱意粉上菜𠮶下连只碟都热辣辣，焗芝士肉酱闻落好香，唔会太酸，食落都几开胃。白汁焗吞拿鱼螺丝粉偏向多汁嘅焗螺丝粉，吞拿鱼超级多，好似落咗成罐咁😂，螺丝粉软硬度适中。法式焦糖炖蛋好钟意最顶𠮶层焦糖，炖蛋滑得嚟又唔会太甜。比利时窝夫上面既cream有少少Oreo饼碎同朱古力酱，窝夫外脆内软，食落去味道好夹。士多啤梨沙冰+热姜蜜士多啤梨沙冰砌到成座山咁，饮到好浓郁嘅士多啤梨味，够晒大杯，适合一路饮，一路同朋友倾偈玩board game。热姜蜜就啱晒女仔饮，暖胃驱寒。