Eat道

营业中

休息中

今晚唔煮，叫咗六个外卖饭盒。电话落单，去到俾钱。去到惊见有三大袋，我望住呆咗一下。阿姐见我一个人，即刻话俾个大袋我，将两袋放一个大袋，等我容易攞。见我㗎车未到重借我位放阵先添。好有人情味。攞到返屋企，一开好靓，好吸引，超大份量，同见到都流口水。只来得及把其中两个拍照。今晚试咗西兰花炒鸡肉，蒸鸡髀，炸鸡髀，青瓜炒鸭胸，炸鱼柳，梅菜蒸腩肉。最后最惊讶的是䲝鱼，系原条上架（需然要加$14，但系喺原条呀！！）条鱼饭盒咁大。我自己觉得咁多样里面，西兰花炒鸡肉，青瓜炒鸭胸，同个䲝鱼系最好食嘅。记得㖞佢同一日，午餐同晚餐个menu 系唔同㗎。佢午餐时间也比较多人。