雲石小姐 (已搬遷) 新店位置

生日蛋糕唔知买边款好？无论系屋企有小朋友、定系拥有少女心嘅大家都可以考虑呢个「公主款流心蛋糕」！🥰朋友最钟意小美人鱼，所以我哋订咗Ariel公主款～ 蛋糕卖相同包装都好靓，而且有得食有得玩！😆 首先将奶盖酱倒落个蛋糕上嘅胶片范围，再拉开胶片，奶盖酱就即刻布满整个蛋糕表面～🎂 真系又靓又好玩～😍蛋糕外层嘅cream几轻盈又唔太甜，入面嘅戚风蛋糕我哋拣咗伯爵茶味，茶味够香，蛋糕好松软～ 蛋糕中间仲包住茶味嘅流心酱，切开见到流心效果几澎湃～ 加埋咸咸地嘅芝士奶盖酱，味道同口感都层次好丰富，有惊喜！呢间小店入面都有几个座位堂食，佢哋嘅汽水罐蛋糕都好出名，下次要黎试吓先得！