炑八韓烤 (已結業)

最排见到网上面有广告话炑八所有分店都有优惠，每枱只要有最少一位学生就有「全单6折」嘅优惠😳，所以就即刻约埋几个一齐去食，今次拣左尖沙嘴，因为方便我😂。佢地有两个全牛餐，而我地叫左原价800几嘅「牛套餐」，有牛胸肉、牛叻条、牛舌、牛五花腩，等等，佢个啲薄切嘅牛肉片全部烧几下再食，超正，有啲入口即溶嘅感觉。牛舌都好正，一来厚切，二来爽口。我地仲叫左个「猪五花腩」韩烧必备，厚切，而且已经帮你切左一半先，放便之后自己剪，五花腩烧到佢脆卜卜就至正🤤。加上佢啲炉边蛋同芝士，我地都唔知添左几多次。