LOG-ON Café (已結業)

其实成日都经过log on呢间cafe不过一直都无试过今日终于有机会试下食物选择以cafe嚟讲唔算少但系我一见到至爱嘅all day breakfast就当然系order佢啦！半自助形式order完就揾个位坐有人送过嚟，系光猛但舒适嘅环境等咗大概10分钟，至爱的早餐就送到！哗比想像中更好！有多士，生果，烟肉，火腿⋯最紧要就系超juicy嘅肠仔同埋滑滑嘅炒蛋！正！八挂问下啲staff，原来系用日本嘅鸡蛋制！怪不得咁好味！虽然都几大份不过成份食晒！哈哈！另外仲有惊喜！原来呢度嘅咖啡做得不错，虽然系跟餐加钱不过质素实在系好！老实讲我觉得比某某大型连锁店更高质素。呢杯latte深得我心！食饱之后有点后悔⋯因为见到啲甜品都好似好好味⋯隔离枱叫咗个西多士牛奶雪糕好吸引啊⋯不过有点饱下次再试！