芋圓一 (已結業)

知我中意食仙草，朋友话系大角咀有一间新开好好食，本身嫌有啲远，但佢讲到好好味咁就去一探究竟。基本上每一碗都会有：芋圆、仙草、薏米、白玉、（黑糖），另外就睇你拣咩口味再加材料，咩味都系$36。点解我话佢好食又抵食过深水埗个间，因为佢真系好足料，仙草份量多，见图都知好满，而且仙草系较大块、不会容易碎掉、有口感又滑溜，而不是很稀很薄很水的感觉（不排除有人喜欢这种）。加上佢唔会落冰，成碗都无乜糖水咁济；仲要有薏米、白玉加强成个口感，芋圆又烟韧不会太淋。所以食碗36蚊好食满足，好过食26蚊但无乜食过咩落肚的糖水。桂花仙草芋圆 $36 |桂花味好香，除左因为有真花，系因为落左桂花糖浆，令成碗仙草都好清香和淡淡的甜味～本人非常喜欢传统仙草芋圆 $36 |传统就加左：红豆，唔系原粒红豆而系红豆蓉，所以味道香甜唔会无味，份量足够捞匀全碗，都好好食～