Petit Deli (已結業)

想食下西餐，响尖沙咀想揾间唔太贵坐得又舒服其实都唔易，除咗cafe之外，我推介呢一间！叫左个鸡翼，酸酸甜甜几醒胃，每一只都一分为二，食得冇咁狼狈，外皮几香脆，入面啲肉都几滑。另外叫咗个芝士薯条，薯条好脆好干身，算系比较粗身嘅一款，薯味都好香，上面嘅芝士份量适中，唔会涡漏。主菜叫咗个龙虾意大利饭，份量刚刚好，唔太多又唔太少，意大利饭都算creamy, 饭心中间小小硬几正宗。但个龙虾唔系好鲜味，应该系雪藏货式，不过都可以接受。天气咁热，叫一个主菜两个小食两个人已经够饱。而且味道唔错，服务亦都几好，值得一个good!