岩盤牛扒ミディアムレア ステーキ (Greenery Plaza ) (已結業)

今日就同朋友嚟到大埔呢间牛扒专门店食午饭，位置近太和地铁站。餐厅形式比较似快餐店，系要自己去柜面落单拎号码，然后拎餐再俾返个号码餐厅。餐牌上有几种常见嘅肉类，可以自由选择肉嘅份量，咁就唔怕食唔晒浪费食物啦！如果觉得食肉太单调，仲可以加$28配三个配菜。我同朋友就分别叫咗300 G嘅西冷同300 G嘅牛柳，我再加左温泉蛋、沙律菜同无糖咖啡。而朋友因为比较细食，所以净系叫咗罐橙汁。本身因为完全冇概念应该叫几g嘅牛，问咗店员意见佢都建议拣300或者250 。拎餐嘅一瞬间觉得望落个份量有啲多，都有担心食唔食得晒，估唔到最后系完全食晒，都代表对佢味道嘅肯定，自己都觉得好满足！最后埋单两个人330 ，觉得都几抵食。