炭兎

营业中

休息中

今晚我同朋友去咗位于湾仔嘅呢间餐厅，由日本人处理，主打用备长炭炭烧食物，最近佢哋仲出咗冲绳特色Menu添。鱿鱼瓜天妇罗依度菜式用嘅鱿鱼非常之厚切，入口好有口感，口感弹牙。而苦瓜亦都系冲绳圆嘅特产，苦瓜入口但有少少苦味，食完仲有啲甘香。博多和牛饭呢一个饭用上博多和牛，上面仲有生鸡蛋。和牛入口牛肉味唔算浓，但胜在有油香。明太子pizza Pizza烘到好脆，成块pizza偏薄身，上面搽有一浸好薄嘅明太子，令到pizza除咗有芝士香味之外，仲有明太子嘅咸香。烧饭团饭团烧得就唔算好香脆，但系米饭有口感，配埋紫菜一齐食都唔错。黑糖布甸依家个布甸几特别，入口有香浓嘅牛奶味，质感就比较似平时食到嘅麻糬。今餐嘅食物都几特别，当中我自己比较欣赏嘅就系鱿鱼瓜天妇罗。