A Little Bit Restaurant (已結業)

今日约左旧同事食饭，拣左食呢间。我七点最早到，见到里面一个人都无，唔肯定佢开左未，不过唔理，照冲入去，原来系开左架喇，可能呢个时间太早未有人。 我地三个女仔叫左一个卡邦尼意粉，一个all day breakfast 同一个客鸡翼。我饮冻朱古力，个朋友饮焦糖咖啡，另外个朋友无饮野。卡邦尼意粉好食呀，唔系好咸又多菇，好香。另外佢仲有一个好大份量既生果，我觉得非常好，因为出去食野都系多肉少菜，真系有几可有生果丫，佢仲要又冻又甜，赞呀！all day breakfast 就比较多肉既，不过佢都有一份生果跟埋既。而佢个窝夫好食架，好松软，唔使放好多honey 落去就好好食。 而呢个all day breakfast 餐佢会俾你拣要窝夫定系松饼既，我地就拣左窝夫 鸡翼都好入味，好食既，但就会比较多油。朋友话个焦糖咖啡几好饮，而我个朱古力都好饮呀，仲有d cream 系上边。佢新开果时都黎过食lunch，我觉得之前d 份量会比量多d，不过而家既份量都啱女仔食架喇。 丫，仲有一样野，就系我有个朋友唔系住元朗区，佢揾左好耐都揾唔到黎，间野其实系偏僻左少少，但google map 一下应该都ok 既，佢正