生記山西刀削麵 (已結業)

成日都会黎呢间刀削面舖食，因为觉得好好食。今次叫左手撕鸡刀削面、猪扒炒拉面同海蜇。 佢地既份量都会几多，所以每次食完都会好饱。下边呢个系手撕鸡刀削面，小小辣。 佢d 刀削面虽然系有d 有少少厚，但食落去都唔会觉得好硬，咬落去既质感都好有咬口，手撕鸡其实本身就无咩味既，但加落去呢个汤同d 面一齐食个味道系出晒黎，因为佢个汤既味都算浓，又有少少辣味(可以拣唔辣的)，所以普通面捞埋一齐食都会几有味几好食，佢仲有d 芫茜令到个汤好香。下边呢个系猪扒炒拉面，少少辣。 都系好好食架，拉面就比刀削面无咁有咬口，因为佢幼d。但系佢既煮法令到佢好入味。佢辣辣地咸咸地觉得佢好有获气，都算干身，所以食落去都唔算好油。 另外，猪扒都好食，唔会咬极都唔咬唔开果d。最后呢个就系海蜇，都系少少辣。佢有d 麻油加左落去令到佢香d，但系今次就觉得佢落得太多，因为好似净系食到d 麻油味。但个海蜇都好爽好食的。