千里屋食堂 (已結業)

铜锣湾日式食店林立，要喺呢区争得一席真系唔系咁易。今次同太太嚟到呢间千里屋食堂，主打牛肉，据讲系大阪过江龙，就睇下佢有冇能力䇄立于铜锣湾啦～小舖位，胜在系地舖，易揾。我数过，呢度坐满会有26人。环境算干净，有少少日本平民食肆feel。先来牛肉寿喜烧定食，牛肉系普通级数，已经好唔错（和牛阵间先再介绍），各款配菜亦齐料。滚起咗感觉好丰富～鹿儿岛黑牛 - 铁板和牛三味，有牛脊、牛肩同牛五花。同普通牛真系唔同食法，啲肉真系嫰好多，亦好有牛味～席间听到至少两枱人系讲日语，系巧合，定系日本人都觉得呢度正宗同好食？