火滾安哥雞煲酒館 (已結業)

大角咀界限街多好嘢食就大家都知㗎啦，最近旧同事约食饭，几个人都不约而同推荐呢间，所以晨早就已经订咗枱，亦都好期待食，最终都真系食得好开心，好满足。有别于一般鸡煲店，呢间虽然装修简单，但系胜在够光猛，同埋地面，座位，台面都冇话黐立立，食得好舒服。当晚我觉得最好食，一定下次要推介比朋友既有三样野。第一就系安格斯牛柳粒，佢重牛味又唔会鞋，有镬气超入味。第二样就系炸鸡皮饺子。呢个真心必点！第一次食呢样野，鸡皮好脆，入面又多料够juicy！最后就系个鸡汤乌冬，千祈唔好睇小呢样咁简单嘅菜，鸡汤好浓郁，乌冬冇酸味，口感亦都好好，有Q弹感。