勝手 (已搬遷) 新店位置

早几日睇天气报告，话天气会转冷，即刻谂起食火锅！知道胜手有好多报导介绍过，决定同女友试试！即日booking满左，唯有等多一日，不过无所谓！天气越冻食锅物越正！去到见到里面坐满人，好彩订咗位8:30pm，等左一阵，好快就有人交台! 我估佢一晚做两转左右。店铺细细，得十八个位，但系装修舒舒服服。我地叫咗个鱼汤同埋猪骨汤底，鱼汤劲好味！很用心做好呢个signature soup!天气咁冻，饮啖汤成个人暖晒！牛肉既油花纹分布平均，入口即融！海鲜亦有几款，蚬鲜甜！只蚝就大只咗少少，可能本人比较喜欢食细size既蚝。我初初要咗饭，而女友就叫咗乌冬，点知佢地供应既乌冬同其他唔同。烟烟韧韧，正！搅到我食晒女友𠮶啲要叫过比佢！哈哈！食咗两个钟头，人客仲系源源不绝，食埋个甜品就埋单lu...顺带一提，芝麻酱味道很好，麻香加埋日本豉油，酸酸的，也开胃。