影片
更多
2019-05-22
1919 浏览
同事farewell，老细话「要带你地食好嘢」，原来系带我地去西湾河嘅「梓桐堂」。因为枱同枱之间有空间，唔会太嘈但又唔会静得太拘谨。我推测菜单系一早老细同餐厅预订，所以一人齐，就按步一款款上菜。先嚟嘅系前菜拼盘，五款前菜都好食，但我个人就最钟意个一醉鲍鱼。鲍鱼肉嫩，酒味甘香入味，最后将剩低响杯入边嘅花雕都饮埋！有前辈话个煎西班牙猪个汁醎，但可能我食得浓味，所以又唔觉。汤系花蛤海鲜清汤，哩个真系不得了。汤内嘅"汤料"系花蛤同带子，肉质依然软嫩唔会鞋哂，纯粹海鲜味嘅汤非常清。主菜：特别钟意个黑椒香煎大虾同糖醋牛柳，牛柳微辣得黎有少少"喼汁"酸味；至于豆腐蒸班腩感觉有啲过油，而海鲜炒饭就普通，无咩特别，反而个上汤菜苗个汤又系好清甜。老细仲加𩠌(加多左两嘅分量)...所以食到最后真系超饱。最后黎嘅甜品，三款最深印象嘅系巨峰提子糕，酸酸地无咁腻，食到咁饱啱啱去下油腻感。其余两样都系想像得到嘅味道，所以都系觉得无咩特别。其实话就话好似好多嘢都无咩特别，不过只系因为我估到佢系咩味，唔系好大惊喜；但整体黎讲系好食嘅。不过我老细食后就觉得，无以前咁好食㖞。
因为枱同枱之间有空间，唔会太嘈但又唔会静得太拘谨。我推测菜单系一早老细同餐厅预订，所以一人齐，就按步一款款上菜。
先嚟嘅系前菜拼盘，五款前菜都好食，但我个人就最钟意个一醉鲍鱼。鲍鱼肉嫩，酒味甘香入味，最后将剩低响杯入边嘅花雕都饮埋！有前辈话个煎西班牙猪个汁醎，但可能我食得浓味，所以又唔觉。
汤系花蛤海鲜清汤，哩个真系不得了。汤内嘅"汤料"系花蛤同带子，肉质依然软嫩唔会鞋哂，纯粹海鲜味嘅汤非常清。
主菜：特别钟意个黑椒香煎大虾同糖醋牛柳，牛柳微辣得黎有少少"喼汁"酸味；至于豆腐蒸班腩感觉有啲过油，而海鲜炒饭就普通，无咩特别，反而个上汤菜苗个汤又系好清甜。
老细仲加𩠌(加多左两嘅分量)...所以食到最后真系超饱。
最后黎嘅甜品，三款最深印象嘅系巨峰提子糕，酸酸地无咁腻，食到咁饱啱啱去下油腻感。其余两样都系想像得到嘅味道，所以都系觉得无咩特别。
其实话就话好似好多嘢都无咩特别，不过只系因为我估到佢系咩味，唔系好大惊喜；但整体黎讲系好食嘅。不过我老细食后就觉得，无以前咁好食㖞。
张贴
