麺処一家 (已結業)

放工约咗朋友食晚饭嚟到厚福街呢条咁多黄店嘅街到朋友拣咗呢间食拉面嘅面处一家对于有选择困难嘅朋友仔嚟讲，呢间舖只得三款面拣(严格嚟讲系得两个)，分别在于系拣火炙猪腩南定慢煮猪肩肉，又或者嗌晒两种肉嘅料理长。朋友就嗌咗两款肉嘅拉面，而我就嗌咗个火炙猪腩南的再加一只溏心蛋。先讲汤底，佢喺用豚骨鱼介酱油整嘅，比较咸但好有鱼同猪嘅鲜味，到最后成个汤饮晒而入面有嘅料都系两块肉，有荀，有紫菜碎同葱，另外加咗只溏心蛋，好好食，流心嘅蛋黄冻冻哋 配埋拉面嘅汤简直一流。佢啲火炙猪腩肉完全唔油腻，超好咬口 又唔会有阵特别猪嘅骚味。可惜个面有啲少，大食嘅朋友可以考虑加面底。个人建议嗌晒两款肉嘅拉面再加只溏心蛋就最好不过。