德美壽司

营业中

休息中

寻日突登过咗黎河畔花园呢边揾食, 因为同事介绍咗附近有间食日本野嘅餐厅, 而呢间就系德美。德美原来都有几多分店, 所以如果想试都唔一定要拣呢间。夜晚7点几黎到门口, 发现都唔算多人等位, 大概等咗5分钟就有位。叫左40蚊嘅烧芝士年糕申烧、103蚊嘅野菜牛肉乌冬同埋122蚊嘅三色鱼生饭。先讲讲个芝士年糕先, 以40蚊嘅价钱黎讲算贵, 因为芝士年糕嘅材料唔需要高价嘅材料去做, 但食落好烟韧同埋里面嘅芝士做到爆浆嘅效果, 但论抵食就见仁见智。野菜牛肉锅有一锅用寿喜烧汁做汤底嘅锅, 里面有上菜时仲系半生熟嘅牛肉、蛋黄、冬菇、萝卜同埋生菜, 至于乌冬就加咗18蚊变手打乌冬。牛肉份量都算多, 脂肪比例少, 但质素算正常。如果沾一啲生蛋黄喺牛肉上面, 食落更滑。生菜就建议尽快食, 因为放得耐会变烂, 而且会吸咗太多带有油份嘅汤, 所以唔太健康。至于手打乌冬确实食得出佢嘅高品质, 非常有咬口。三色鱼生饭嘅鱼生有带子三文鱼吞拿鱼各三件, 中间放咗蛋白同蟹籽用黎伴饭, 饭入面混入咗冬菇条, 丰富咗口感, 亦令本身得寿司醋味嘅饭多咗阵冬菇香味。带子三文鱼唔错, 但最好食都系吞拿鱼, 食到有阵鱼油香。