泰潮 (已結業)

黎深水埗买野！经过见到呢间泰潮！门口D宣传写住连续拎咗多年米芝莲！见午市又唔系好多人，之前又未食过，今日就试下你！坐低叫左个海南鸡配油饭($60) ,加$6 有一杯珍多冰！上台跟一碗冬瓜胡椒汤同一碟辣味青瓜配菜！海南鸡够嫩滑，配埋个秘制海南鸡辣酱，辣得黎好醒胃，个油饭热辣辣好香！至于个汤同配菜就冇咩特别！珍多冰正常水准，椰汁都好浓！整体黎讲个海南鸡饭系好食 ge!价钱黎讲都叫抵食！下次试埋佢餐牌另一推介既泰式猪脾饭！