影片
更多
2021-08-02
247 浏览
今日嘴痕好想买啲嘢返屋企继续食（贪得无厌）于是拜访咗呢间座落天后、标榜香港本土风味、哥吃的不是蛋糕而是回忆啊嘅Mr.W即烘蛋糕。好西嘅定义太多种，可能其中一种，就系会食到你诗兴大发～🥛原味鲜奶蛋糕原味通常最睇得出真功夫，喺冇其他配料衬托嘅情况下，呢款蛋糕依然有柔软而又神奇地实净嘅口感，松软嘅蛋糕喺口入面靠食用者嘅舌头搓出更绵密更精致嘅形状同层次，成个体验就好似我哋作为食用者都系呢个蛋糕完成嘅一个环节。莫名地自我赋予咗一份神圣感，happyyy✨🌰栗子蛋糕栗子大大粒冇花冇假，原本担心会咀嚼得辛苦，但出乎意料地，栗子嘅质地相当软润，馅料同蛋糕浑成一体、缺一不可，不论触感上乃至味觉嘅层面都彻底无断层，如此自然。🌴枣蓉蛋糕枣蓉必然系同栗子行唔同路线，偏要喺口感上独立独行，务求比人嚼到枣蓉𠮶种「孩提时候我坐在木凳子上被婆婆关爱地喂著吃果干」嘅𠮶粒果干嘅嚼劲，乃至更深层次嘅亲切、熟悉、人情味。🌸无花果蛋糕无花果嘅籽遍布整旧蛋糕，每啖就会喺你就快彻底沦陷于蛋糕嘅绵软之际以果籽嘅清脆轻轻戳你敏感嘅舌头，然后你就觉得爽💖——————————————— #mrw即烘蛋糕 Mr.W 即烘蛋糕 (天后)天后电
好西嘅定义太多种，可能其中一种，就系会食到你诗兴大发～
🥛原味鲜奶蛋糕
原味通常最睇得出真功夫，喺冇其他配料衬托嘅情况下，呢款蛋糕依然有柔软而又神奇地实净嘅口感，松软嘅蛋糕喺口入面靠食用者嘅舌头搓出更绵密更精致嘅形状同层次，成个体验就好似我哋作为食用者都系呢个蛋糕完成嘅一个环节。莫名地自我赋予咗一份神圣感，happyyy✨
🌰栗子蛋糕
栗子大大粒冇花冇假，原本担心会咀嚼得辛苦，但出乎意料地，栗子嘅质地相当软润，馅料同蛋糕浑成一体、缺一不可，不论触感上乃至味觉嘅层面都彻底无断层，如此自然。
🌴枣蓉蛋糕
枣蓉必然系同栗子行唔同路线，偏要喺口感上独立独行，务求比人嚼到枣蓉𠮶种「孩提时候我坐在木凳子上被婆婆关爱地喂著吃果干」嘅𠮶粒果干嘅嚼劲，乃至更深层次嘅亲切、熟悉、人情味。
🌸无花果蛋糕
无花果嘅籽遍布整旧蛋糕，每啖就会喺你就快彻底沦陷于蛋糕嘅绵软之际以果籽嘅清脆轻轻戳你敏感嘅舌头，然后你就觉得爽💖
———————————————
#mrw即烘蛋糕
Mr.W 即烘蛋糕 (天后)
天后电气道67号地下D号舖
张贴
