秋香螺螄粉 (已結業)

以前未兴起食螺丝粉，要食就要自己煮，煮一碗都起码15分钟，又想食但又懒得煮，唯有落街睇吓边度有酸辣粉或者麻辣米线止下口瘾。但系而家香港多咗唔少小店卖螺丝粉，可以唔使自己整就有得食。今次就试咗葵广顶层嘅秋香螺丝粉。叫咗中辣汤底嘅炸蛋螺丝粉，都只不过系$44，另外加$8要咗一份炸豆串。外卖返屋企食嘅话，店主会将汤另上，咁就唔怕索哂个汤汁。炸蛋同炸豆串都系索汤之物，一啲都唔油腻，食入口完全爆哂汤汁，非常惹味。而螺丝粉最灵魂之处就系酸笋，有人觉得臭，但呢间嘅酸笋臭味唔劲，不过酸味十足，加埋中辣嘅汤底，酸辣咸香就系令人上瘾嘅原因。