La Mensa Grill & Bar (Plaza 88)

营业中

休息中

星期六放假lunch试咗喺荃湾嘅La Mensa Grill & Bar，系一间非常值得一试嘅西餐厅。佢哋嘅菜式不单只多选择，连环境都好有特色，坐得舒服，真系一次良好嘅用餐体验。首先，讲下佢哋嘅Mexican Taco，拣咗手撕猪肉。呢款墨西哥炸玉米饼，外皮酥脆得嚟唔会太油，猪肉质地腍滑，配合上佢哋独特嘅酱汁，既香又唔腻口。特别值得一提嘅系，佢哋嘅手撕猪肉做得非常入味，每一啖都令人回味无穷。份量有3大旧，食完3旧想继续食😂。再讲讲佢哋嘅Linguine vongole，即系蛤蜊义大利面。呢个菜式绝对系海鲜爱好者嘅最爱。面条做到恰到好处嘅弹性，每一根都吸收咗满满嘅海鲜鲜味。蛤蜊嘅新鲜程度一流，佢哋嘅海鲜味道浓郁得嚟唔会太重，真系嚟自海嘅鲜味。加上细心调制嘅酱汁，唔单止提升咗整体嘅味道，仲令蛤蜊嘅鲜味更加突出。蛤蜊一d都唔孤寒，围满碟2圈。餐厅嘅服务亦非常到位，环境舒适，无论系同朋友聚餐，定系同家人一齐享受一个悠闲嘅一餐，La Mensa Grill & Bar都非常适合。