茶舍 (北帝街)

营业中

休息中

今晚屋企无煮野，决定出街食晚饭，呢间餐厅嘅餐牌有多元化菜式同装修别致，好抢眼，附近比较少呢类餐厅，于是决定食呢间。一坐低，员工亲切有礼帮我哋点餐，我哋叫左烧肉汁白切肉滑蛋饭，升级左配有餐汤同沙律。一放上枱见到白切肉大块又够香，每啖肉都充满烧肉汁味，甜甜咸咸，滑蛋又够香滑，配上饭一齐食一流！生煎豚肉斧头扒可以配蒜茸汁或者黑淑汁，我哋选左蒜茸汁同配饭，呢个餐已包括餐汤及沙律。豚肉斧头扒份量十足同厚身，食落去肉质嫩滑，够松软，味道好浓郁。沙律份量够，餐汤系龙虾汤，味道都啱啱好。总括而言，今日食得好满足，餐厅环境坐得舒服，食物好味，性价比高。