大戶屋 (已結業)

行完街谂住食日本野，就走左去呢间试下。等左几分钟就有位，好好彩，因为平时食晚饭都要等返一阵先有位。入到里面感觉环境唔错，有少少日本的风味。一坐就拎个餐牌睇有咩好食，可能系肚饿既关系，好快就谂好左想食咩，叫左一个炸鸡定食。等左一阵就好快比炸鸡既香味吸引住，可能系即炸既关系，味道特别香。已经忍唔住要放一块入口试一试个味道如何，一咬落去就发出一D好脆既声音，明显会觉得是即时炸的。食落既味道好好，唔会因为炸过而令到鸡本身失去左原有既味道同嫩滑，而且很易就可以咬开。那只太阳蛋煎得非常好，唔会太过火。汤既味道就刚刚好，因为之前食过一D日本菜既铺头既汤系太过咸，又或者太淡。而饭的软硬适中，唔会太过软，因为最怕食到软淋淋既饭。整体黎讲系唔错既，环境舒服，食物又好食，值得我再黎试一下其他野食。