上海香港麵家

营业中

休息中

铜锣湾贵价地段，仲有平得嚟又好食嘅上海嘢。😁👍🏻晚上7点去到，唔洗等。上菜都好快。🥟小笼包：皮唔算薄但胜在肉汁多，够juicy,猪肉好香，食完会想再食。🐔鸡丝粉皮:麻酱唔会“张”住个口，好够冻。🐷🍜猪扒担担面：面底好滑，好似鸡蛋面嘅质感。猪扒好入味，不过偏咸，要同面一齐食中和返，汤底唔似大型连锁店咁好浓好油。上海炒年糕：年糕好够淋，唔会“银”胃。津白都够多，仲有冬菇&瘦肉一齐湿炒。我钟意炒年糕多过担担面😝🥛豆浆好饮，唔太甜。2个人食，份量好够，再叫就食唔晒。见好多人食粢饭，下次试埋先得。