Hugo Le Resto Grill (已結業)

一个星期四嘅晚上， 夜幕低垂， 带著疲倦嘅身躯， 嚟到呢间餐厅， 谂住充充电， 食番餐好嘅。餐厅装潢雅致， 座位尚算宽敞， 最吸引我嘅地方系，佢系一个半自助形式嘅餐厅， 沙律吧有蔬果同海鲜任食。头盘系面包同干邑龙虾汤。 面包烤到外脆内软好好食，至于龙虾汤方面， 个人觉得都算唔错， 好creamy， 不过龙虾味唔够重。打开menu 嚟得扒房梗系要试下佢嘅扒啦， 主菜叫咗佢嘅肉眼扒，另外叫咗一个海鲜黑松露意大利饭。虽然肉眼扒比较细块不过七成熟都处理得刚刚好， 而且伴菜嘅薯条，配埋黑松露沙律酱，好好食， 味道好夹。再嚟就系海鲜黑松露意大利饭， 个人觉得海鲜少咗啲，基本上就系面头两只大虾跟住就冇啦，下边个黑松露意大利饭稍为黑松露味欠缺咗少少唔够浓，如果可以黑松露味再浓沃啲就更加好。至于餐茶方面都系冻柠茶同奶茶，奶茶味真系一般般，冻柠茶茶底都还算香浓。