小籠家族 (已結業)

天时暑热嘅香港真系好辛苦...搞到食饭都无乜胃口...同朋友街上面觅食嘅时候幸好见到小笼家族。睇佢餐牌价钱唔贵，仲唔洗等位，加上食上海菜唔会食到个人热辣辣流哂汗快手快脚入去坐低先啦我哋叫咗外婆红烧肉、咸肉百页煮津白、家族海鲜炒饭同埋小笼包。餐厅环境好光猛，冷气都算足够，坐系度倾一阵计就有嘢食上枱啦【外婆红烧肉】有啲餐厅系会以一大旧正方形咁上菜，虽然系几美观，但食起上嚟会有点麻烦。但呢度嘅外婆红烧肉系预先切开做一件件上菜，咁样食就方便好多红烧肉味道香浓，肉嘅质感层次分明，煮得软淋入味。由于已经煮得好软淋入味，所以肥肉部份唔会有反感嘅感觉。【咸肉百页煮津白】津白即系大白菜，呢种蔬菜比较索味，可以将上汤嘅精华滋味吸得淋漓尽致。上汤混有鲜咸肉以及金华火腿的浓郁香味，调味刚好唔会过咸，送饭一流【家族海鲜炒饭】炒饭配菜有虾仁、瑶柱以及鸡肉，配料份量丰富，饭粒炒得干身而粒粒分明，每人分到两碗，好食又饱肚【家族小笼包】一客四只。小笼包做得皮薄饀靓，内里富有饱满嘅汤汁，肉馅做得松软，加添红醋以及姜丝可以将肉鲜味升华