鴻發餐廳小廚

营业中

休息中

好似每个星期都要谂食咩，真系谂唔到食咩好🥲咁啱俾我见到呢间打冷，就问女朋友食唔食打冷。两个人叫咗一个卤水鹅片拼盘，一个韭菜猪红同埋一碗蚝仔粥。卤水鹅片拼盘入面有猪耳、红肠、鹅肠等份量都算几大，卤水都几入味略嫌啲鹅片真系切得好薄咬落冇乜口感。韭菜猪红反而有啲惊喜，一般喺街都系韭菜多过猪红，但系佢哋竟然可以猪红多过韭菜味道有啲微辣，猪红都算爽口，值得推荐👍🏻最后就系蚝仔粥，好彩只系叫咗一碗冇叫到一煲如果唔系应该食唔晒，我就觉得味道一般，但系女朋友好似几钟意食。整体嚟讲都算几抵食，计返每人$150左右价钱，好过食茶餐厅。