越僑

营业中

休息中

今次已经系第4次黎食野喇，不过都系第1次系度写食评。先讲讲呢度既环境先，由于系身处中环，夜晚黎食就好多位。仲记得个次同d同事黎食lunch，人山人海，不过我地等左一阵个哥哥就安排我地坐。仲有得拣坐露天或者坐入面都得。呢度set lunch都好多选择，有A-F六个餐，先$32都几抵架。老板话每两个月就转一次，所以唔使愁食黎食去都系个d。讲返今次先，由于系同朋友聚旧，就问下个大厨可唔可以整d特色小菜。大厨好好，整左d酒楼式小菜。包括五柳鲩鱼，海鲜炒面(x2)，金银蛋现菜(x2)。仲食左个度既招牌菜：牛柳粒(x2)，牛油鸡亦，沙拉朱扒我觉得都几特别，虽然未必个个都钟意，但系我都推介。饮品方面我就最钟意佢既咸柠七，yummy 总括黎讲，呢度食物质素真系唔错，价钱又几平，不过始终系家庭式经营，都系有少少似茶餐厅既。