鬼金棒

营业中

休息中

香港想食到一碗岩自己口味嘅拉面绝对系比日本难！鬼金棒呢间新嘅旺角分店，经过咁多次今日终于决定去试试呢碗拉面。餐厅入面充满住一种神秘感，四周围都系鬼嘅图案同面具，撞正万圣节打卡劲正。拉面以味噌做汤底，辣度同麻度都可以自己点选。食得辣嘅朋友，仲可以加钱挑战鬼麻鬼辣，听讲好恐怖，真系好食得辣先好食肉饭（M）$45呢碗肉饭系放上一大旧叉烧上个饭到，唔洗担心唔够食。个饭淋上左叉烧既油汁，令到每粒饭每啖入口都好香。将旧叉烧整烂佢，肥油同肉香混埋入个饭到超满足。增量叉烧辣麻味噌拉面 $140 增量叉烧量确实唔可以讲笑，叉烧嘅肉量同肉感系劲厚大大旧个种，大大旧嘅五花腩肉，食落好够味，一咬就可以好轻易咬开。 拉面面质比较粗身，入口够口感食落烟韧，可以吸收到d汤汁之余，边食边挂得起d汤汁，好食！ 再饮一饮啖汤，味噌味够重但唔咸。呢碗小麻小辣嘅味道好岩想食辣但又食唔太到辣嘅朋友，辣度前劲后劲都唔会太呛，慢慢渗出黎嘅麻味系食得舒服嘅。芫荽辣麻味噌拉面 $115大量既芫荽食落就带住一股青香，浅尝食辣又唔想食太腻既朋友可以试下呢碗。