一碗麵 (已結業)

之前行过星街就非常好奇点解有间铺头可以卖一碗中式面叫价$150 一碗。经过一番思想争扎， 觉得无论咩面都好， 日式拉面又好，意大利面又好， 做得好食有信心就会叫哩个价。 终于的起心肝，同老婆两个人去试。研究咗一阵菜单我同老婆分别叫咗两碗面，我叫咗葱香三虾下面老婆就叫咗火腿肘子面同埋前菜素鸭。数啱系前菜有腐竹豆类制品制成食落有层次，咬口。葱香三虾面真系好好食。汤底真系由鲜虾熬制而成。 汤底鲜甜充满虾味，一啲味精都冇。一饮上瘾。店主话系有地中海红虾熬制而成。 如果煮过红虾汤底嘅人一饮就知。老婆叫嘅就肘子面就非常夸张，真系成只猪手放落碗面入面。猪皮充满胶质但入面嘅肉做到一疏疏咁食落有金华火腿嘅质感， 肉味甘香而咸淡有度，食到停唔到。如果食日式拉面食到闷， 不妨换下口味。 一试有惊喜。