Caliente

营业中

休息中

因为之前学校project做呢间舖头 睇完啲menu好似好好食，就去试下啦一开䢂门好多万圣节吊饰哈哈我地叫左3样食物 2杯饮品第一个系好多人都推荐既nachos，上到枱真系好大盘，适合3-4人share，啲牛肉碎有啲辣辣地，几惹味，加埋脆既粟米片同牛油果酱同sour cream ，好正！然后就系鸡既taco， 少少辣 唔够酸。不过枱面有支green pepper既辣椒仔加埋就岩岩好。入面有紫椰菜丝同红萝卜，好爽脆几夹。但个皮有啲重面粉味，我都系中意nacho多啲，男朋友话正常水平。然后叫左个grill steak with mushroom。呢个有惊喜，一上枱好香烧烤味，食得岀真系烧而唔系煎完再辣啲坑纹上去。肉质都嫩既$198 对得住呢个价有余，个side既菇都好香菇味，系有啲油。综合而言，食物质素8/10。我地6点到 食完7点，都系包场状态，waiter会睇住我地食到咩进度再上菜，唔会有张枱无位既情况。但系我上网睇呢间有得储asiamile 但埋单佢又话无，好奇怪。