金蘭花泰國菜 (已結業)

我一向都好喜欢泰国菜，甜甜酸酸真系好开胃，今次我地一行6人，可以试到多点款式的菜，首先泰国菜点可以冇生虾，虽然唔系大只，但系都算系新鲜虾👍生菜包就不过不失。炸虾饼好正，脆卜卜好有咬口。菠萝炒饭就有点惊喜喇，以为唔会好特别，但系又好入味好香，好快就比我地食哂😊另外，叫左黄咖哩鸡，呢个咖哩加埋薄饼一齐食，真系好好味👍要数最特别应该都系呢个烧猪脾肉，肉汁鲜味，唔会好多肥肉既感觉，好香比平时食开既串烧更正，呢个一定要试。呢间餐厅d姐姐真系泰国人黎，如果有客人咁岩生日，佢地会唱泰文生日歌比你听，芒果燸米饭做生日蛋糕，好好气氛架。