泰餐館 (已結業)

今晚我地一行四人去左食我好钟意既泰菜，其实呢度黎左好多次，但系第一次写食评由于我唔太食得辣既关系，佢地就我叫左个青咖哩猪，个汁真系好香好浓，除左咖哩同猪外，仲有少少豆角衬托，用黎送饭真系一流！我忍住唔食左好多！呢个虾球一样有惊奇，首先系我好钟意食既肉类，仲要好新鲜好弹牙，加上啲汁系泰式辣酱，酸酸地好开胃！仲有个猪颈肉保持一贯水准，外层煎到几香脆，里面啲肉有好多汁， 好味道！呢个芒果糯米饭系我朋友想叫既，佢原来有白糯米同红糯米，不过我就唔系好'好'; 而个芒果就非常之甜，令人想一试再试！总括黎讲每碟𩠌都好有水准，令人食得非常愉快！