Home Sweet Home (已結業)

今次食呢间home sweet home都有小小惊喜既，位于太子但系装潢一啲都唔低级气氛都唔错既，餐厅内唔算好大同都好阔落最岩三五知己黎食。今次我同我朋友点左两个set分别系肉眼扒配薯仔粒同牛柳配焗龙虾，前菜主题都系一口既分别有一口呑拿鱼，菠菜龙虾汤同一个芝士酥。个人觉得呑拿鱼几好食肉质尙算易入口同唔会太腥，而芝士酥食落香口而唔油，最后用一个杯仔装汤感觉特别味道还好。野食叫左玫瑰荔枝蜜，味道唔会太假。主菜部份首先讲呢个肉眼扒配薯仔粒，薯仔粒系好食脆同够热，肉眼扒我去叫左四成熟睇落唔算生加埋个汁其实真系认真唔错值得一战。而另一方面就系牛柳配焗龙虾，牛柳肉质都好嫩滑但可以更生一啲，而只龙虾真系失色左成只龙虾得个一点点肉分多俾个人食都唔得。味道算系中上但系温度唔够热再加上上菜速度太慢差啲饿亲。最后配送呢个迷你心太软，朱古力味浓而又美味，真系值得推介。总结黎讲唔建议大食或者唔等得既朋友去因为食完好似我咁系完全唔够饱要出去再补食同埋等既时间较长可能会饿亲人呢。