影片
更多
2018-08-24
1148 浏览
难得放假一早同朋友入左马湾,走过马湾旧村欣赏过当地既历史痕迹,感觉自己既文青气息即时多左唔少 至于比较出名既挪亚方舟我地就决定过门不入啦, 都系觉得自然景观吸引D。沿路行到挪亚方舟旁既沙滩, 发现呢度原来有个商场仔, 不过就只有好几间食肆, 见都已经中午时份, 于是同朋友一齐拣食边间好。望左一望, 见到呢度有泰菜、德国菜、茶记 (冇开,好似执左咁样)同一间西餐厅。通常呢D情况下都会觉得西餐应该都系最稳阵最唔伏, 所以同朋友都决定试试呢间西餐。呢间西餐喺商场既尽头, 同其他唔同, 门面冇瓦遮头, 天气好既时候加上有D海风既话其实系几正, 可以望住青马桥个景食野, 加埋杯啤酒可以好chill好外国feel。不过老实讲, 8月真心热, 所以都系决定入室内凉下冷气算, 见佢冷气都几够劲唔知系咪闲日, 人唔算好多, 心谂可以慢慢食, 唔使好似其他地方咁食到赶头赶命仲要赶住交台。餐厅既staff埋黎比餐牌我地, 仲好nice咁提我地有lunch set食, 又会提议下有边样野好食咁。价钱黎讲唔算贵, 其他地方既西餐lunch set都系咁上下价钱。不过今日个lunch set望落就唔太岩心水,所以
沿路行到挪亚方舟旁既沙滩, 发现呢度原来有个商场仔, 不过就只有好几间食肆, 见都已经中午时份, 于是同朋友一齐拣食边间好。望左一望, 见到呢度有泰菜、德国菜、茶记 (冇开,好似执左咁样)同一间西餐厅。通常呢D情况下都会觉得西餐应该都系最稳阵最唔伏, 所以同朋友都决定试试呢间西餐。
呢间西餐喺商场既尽头, 同其他唔同, 门面冇瓦遮头, 天气好既时候加上有D海风既话其实系几正, 可以望住青马桥个景食野, 加埋杯啤酒可以好chill好外国feel。不过老实讲, 8月真心热, 所以都系决定入室内凉下冷气算, 见佢冷气都几够劲
唔知系咪闲日, 人唔算好多, 心谂可以慢慢食, 唔使好似其他地方咁食到赶头赶命仲要赶住交台。餐厅既staff埋黎比餐牌我地, 仲好nice咁提我地有lunch set食, 又会提议下有边样野好食咁。
价钱黎讲唔算贵, 其他地方既西餐lunch set都系咁上下价钱。不过今日个lunch set望落就唔太岩心水,所以都系散叫同友人share。
铺仔细细黎讲, 选择都算几多, 仲有多款pizza, 真心好奇佢地d pizza会系点样。可惜, 本身胃口唔大, 唯有等多d人黎先一齐叫一个share。最后我地叫左份carbonara同一份黑毛猪扒share食。成日听婆婆讲, 要睇下一间酒楼好唔好食就要试下佢碟干炒牛河 (其实只系佢自己钟意食), 你问我呢, 就觉得要睇一间西餐好唔好食就要试下佢地碟carbonara, well, 其实系我自己钟意食 落order后大概10分钟左右上菜, 先来carbonara。
黑松露卡邦尼阔条面
$148
83 浏览
0 赞好
0 留言
同我想像中有少少唔一样, 酱汁比较多,但出奇地唔太杰身, creamy度岩岩好! 一般黎讲其他地方食既carbonara酱汁唔会好多, 只系刚好挂到上意粉既份量, 所以有可能会越食越干身, 但呢度既「变奏版」系有少少惊喜!原以为咁多酱汁会好腻, 结果系想像之外, 唔知系唔系因为用阔条面, 所以多d酱汁会好d, 定系应该话佢地好慷慨好足料? 食落味道比我想像中香浓, 黑松露味好出但又未至于会抢晒d味, 好岩重口味人士! 话就话重口味, 但绝对唔咸, 碟上既parma ham同烟肉既咸香令整碟粉既味道调教得刚好! 真心觉得比好多餐厅卖既carbonara好食好多! 钟意食creamy既人士岩晒!
同时发现餐牌上写住佢地用既系一个叫Pasta Mancini既品牌, 听落好似系劲野黎, 唔系都唔洗刻意写出黎啦。
另一碟系黑毛猪扒, 件扒都算大件, 配料都好丰富! 有焦糖洋葱、烧菠萝、杂菜苗同肉汁。
香烤美国黑毛猪扒
$208
58 浏览
0 赞好
0 留言
菠萝唔酸够甜, 洋葱经焦糖化后甜上加甜, 不过猪扒下既杂菜苗略嫌咸左少少。
至于主角黑毛猪扒, 向来觉得猪扒好难煎得好食, 最怕煎到又韧又「鞋」口同, 特别系厚身，又估佢唔到呢度既猪扒煎到岩岩好, 唔会overcook, 咬落去松软, 绝对唔系落松肉粉好似茶记果类咁既松软 (又或者应该话果种叫松散...), 而且带少少脂肪香, 唔错唔错!
香烤美国黑毛猪扒
$208
51 浏览
0 赞好
0 留言
至于配上既肉汁, 我向来食肉比较钟意食原味唔钟意点汁, 所以冇用到啦。
虽然只系食左两个dish, 但都觉得好满足, 个人觉得佢地都系有心经营既。离开时见到佢地原来系无饮管伙伴, 愿意身体力行推动环保, 仲run紧个campaign叫人多用环保食物袋同折折杯等, 令我觉得小店系要支持下既!
有机会再黎马湾既话希望可以同多D朋友黎试佢地其他款式既野食啦!
p.s. 走时见到好似有佢地既职员影紧食物相, 系一只烧鸡, 好似几足料咁 我问佢地可唔可以影张相, 佢地又ok wor! 虽然未试过, 但卖相几吸引, 希望有机会试下!
张贴
