PizzaExpress (愉景廣場)

营业中

休息中

得闲到愉景湾走走，享受一下游闲时光。由于已经一段时间无去愉景湾，当时仲起紧既新广场，而家已经整好，里面仲多咗啲食店都好吸引，希望下次可以一试。至于呢间由于近码头，好容易就吸引过去帮衬。先讲下2个pizza，分别系特级玛嘉丽塔皇后簿饼同香烤鸡肉簿饼。皇后簿饼因为有我钟意食嘅水牛芝士，虽然个饼简简单单无乜其他料，不过单食呢个芝士味已经非常足够。反而鸡肉簿饼就无香芝士味，又无烤鸡香味，而洋蒽味好出，稍为夺左少少味。不过2者都系簿底pizza，建议衬热食，唔系冻左又淋晒就唔系咁好。跟住有肉酱千层阔条面同卡邦尼忌廉意粉。由于阔条面关系，好似搅到唔够肉酱咁，虽然啲面好食，但捞唔均啲酱。卡邦尼意粉就略为咸左少少，不过胜在捞埋啲意粉平均返啱啱好。直落甜品焗面包球同心太软。面包球质地似麻薯但又硬返少少，本身无味，所以一定要点朱古力。而心太软出嚟热辣辣，配上雪糕非常特别。不过雪糕就要快食，唔系就溶得好快。呢间pizza价钱就高咗少少，不过货真价实，起码比返靓料同足料。如果一班人食，除返开就唔觉贵，呢间值得大家一试。