甜匠

营业中

休息中

同班FD 食完晚饭之后，其中一个住马鞍山既话有间新开甜品舖好食，所以就搭车入去试吓。位置都几偏，如果唔系住果头既朋友应该都要揾几耐。当晚天气系6度，街舖想揾个位挡风都冇，系我地前面仲有2枱4个人，间舖唔系大，坐到20个人左右，所以都等左几耐。店舖行台式路线，有芋圆、雪花冰、waffle 之类甜品，价钱中等啦。呢个系我点既芒果waffle，我几钟意佢摆碟，出面好多间食waffle 既会将雪糕同cream 成大旧放晒系waffle 面，但佢地冇，反而系平均淋上mango jam，唔会令d jam 净系掂到个框，呢样我系非常欣赏既。芒果雪糕味道清新唔假，芒果肉够淋又甜，仲有几条柚子皮咬吓，几有诚意。朋友叫既焦糖海盐waffle海盐雪糕配waffle 唔系几岩我地口味。另外佢地叫左芋圆话好好食，料都够多，上菜时热到辣手，所以佢地食完好暖身，天气冻一流。Staff 全部都系后生仔，服务态度几好有礼貌，不过可惜间舖对我尼讲太远，如果唔系我都会再帮衬。