スーパー丼 (駱克道) (已結業)

门口见到店内冇人客，仲以为只做外卖，开门问店员系咪冇堂食，佢话有堂食。行入少少只见到有一枱客人。相对隔几个舖位嘅另一间要等位嘅Doraya 形成好大对比，食完后明点解呢间冇人排。打开个menu 鱼生饭，甚至自选鱼生配饭好少选择，当刻好想走，但行到攰唔想再揾地方，将就吓叫个吞拿鱼蓉三文鱼子温泉蛋饭。一嚟到就觉得好似喺啲冻肉食品店买啲鱼生再舖喺饭面，见到pat吞拿鱼蓉呈方形，而饭又煮唔好，性价比极低。堂食有加一，但只见成班员工喺前台围埋倾计，见到后面枱客人叫咗几次先有人应，间舖冇乜人，但又要叫佢嚟加茶先加。间舖咁冷清系有原因，食完心情好低落，返去同朋友呻，先知道原来呢间好出名。出名伏？原来系出名黄。唔系黄就大晒，好食是良知。