影片
更多
2023-02-01
286 浏览
平时一向都会支持黄店，有朋友喺外国返嚟，佢系我俾佢嘅食店名单上拣咗呢间鸡煲店，心谂，黄店加上开饭食评唔错，就试吓啦。冇影好多相，因为只系想快啲食完眼前嘅嘢，快啲走，我哋叫咗以下嘅食物：半只鸡煲: 咸，叫左小辣但黎到好似中辣噤，食到个胃好唔舒服。养生药膳汤: 从来未试过食鸡煲加汤要加钱，今次真系吓咗一吓。店员推介话药膳汤似肉骨茶，平时我又咁钟意食肉骨茶，心谂实冇死，点知出嚟又甜又苦，完全唔系肉骨茶味，又同鸡夹唔到，好难食。自家制即炸响铃: 咬落成口油，特别系中间，食到想呕，店员推介话可以就咁点计煲啲汁食，试咗一下，觉得只系食紧啲油同埋啲辣鸡汁落口，完全唔match，又上唔到汤，宁愿食返cheap鸡响铃。题外话，之前食过胜记自家制炸响铃，好好食。健康什菜篮: 食材正常，但因为汤好辣好甜好苦，所有菜都怪同辣到不能食落肚，最后食净咗少少喺个碗度。千页冰豆腐: 食材正常，但因为浸左系又苦又甜既药材汤，好难食。竹蔗茅根: 好正常，成餐最入到口既野。可口可乐: 好好饮，简直令人好感动。手切顶级安格斯: 味道同质感还可以，但份量有偏少。平时限时火锅边炉店嘅店员都会友善提醒，仲有15分钟就要收枱之类，有
冇影好多相，因为只系想快啲食完眼前嘅嘢，快啲走，我哋叫咗以下嘅食物：
半只鸡煲: 咸，叫左小辣但黎到好似中辣噤，食到个胃好唔舒服。
养生药膳汤: 从来未试过食鸡煲加汤要加钱，今次真系吓咗一吓。店员推介话药膳汤似肉骨茶，平时我又咁钟意食肉骨茶，心谂实冇死，点知出嚟又甜又苦，完全唔系肉骨茶味，又同鸡夹唔到，好难食。
自家制即炸响铃: 咬落成口油，特别系中间，食到想呕，店员推介话可以就咁点计煲啲汁食，试咗一下，觉得只系食紧啲油同埋啲辣鸡汁落口，完全唔match，又上唔到汤，宁愿食返cheap鸡响铃。题外话，之前食过胜记自家制炸响铃，好好食。
健康什菜篮: 食材正常，但因为汤好辣好甜好苦，所有菜都怪同辣到不能食落肚，最后食净咗少少喺个碗度。
千页冰豆腐: 食材正常，但因为浸左系又苦又甜既药材汤，好难食。
竹蔗茅根: 好正常，成餐最入到口既野。
可口可乐: 好好饮，简直令人好感动。
手切顶级安格斯: 味道同质感还可以，但份量有偏少。
平时限时火锅边炉店嘅店员都会友善提醒，仲有15分钟就要收枱之类，有一下佢叫我哋埋单，但系冇提醒我哋仲有几耐时间，咁我哋就谂住食埋面前𠮶兜菜就走，点知有一个男店员走过来，态度麻麻，就叫我哋快啲食埋就好走，就嚟要交枱。
嘢食又唔好食，态度又麻麻，就算系黄店，都唔会再返嚟帮衬，可一不可再。
食完每人平均消费$380, 完全唔知呢个价钱里面包含咗啲乜嘢，服务又无，食物质素又无，好失望，呢个价钱我真系宁愿去食𠮶啲咩牛涮锅就算，猪牛鸡仼叫，雪糕蔬菜任食，服务态度又好啲。
我好少会写食评，通常会因为太难食/太受气而写，呢篇系我第二篇。
55 浏览
0 赞好
0 留言
张贴
