小瑪哥米線

营业中

休息中

今日去会展行旅游展，行到夜晚七点几去揾嘢食，最后行行下见到有气锅鸡，以为会好贵，点知原来系湾仔都有平民价，咁就即刻决定食佢啦，餐厅装修走简约风，座位好阔落，坐得好舒服餐厅主打食米线同气锅鸡，地点同环境都好啱同朋友食饭倾偈见到佢有二人气锅鸡套餐，店舖推介嘅都有得试齐，所以我哋就拣咗个二人套餐，喺湾仔黎讲，呢个价钱好亲民头盘小食我哋拣咗凉拌皮蛋，少少辣好开胃，皮蛋冇苦涩味，加上佢辣酱加咗面豉，味道好易入口之后就系我最期待嘅气锅鸡，鸡嘅份量好足，仲有配料竹笙同菇，最惊喜系佢个汤好浓好好饮，而且冇味精，饮咗完全唔会觉得口渴我哋两个人好快就清晒成煲汤米线我哋试咗两个唔同款，金牌小锅汤米线辣度同酸味唔会太抢，唔想食太过辣同酸嘅朋友好啱食，想食清清地嘅就食猪骨清鸡汤米线，我哋试晒两个都觉得好有水准，连汤都饮埋碟哈尼牛肉真系有惊喜，外表好似唔太靓，但食一啖之后就想讲唔好比佢外表呃左，牛肉调味恰到好处唔会太重手，而且煮得好冧，入口唔使点咬就吞得👍🏻真系要推介甜品拣左玫瑰冰粉，卖相好靓，味道清香唔太甜，冰粉本身冇咩味，主要系糖水调味，但控制得好唔会太甜，而且唔系用个d玫瑰香精味，好值得一试