Espuma (H8) (已易手) 新餐厅

成日都黎H8食野，不过今日系第一次黎呢间西班牙餐厅试下。入面环境装修都唔错，成间舖算阔落，坐得舒服。而家餐厅做紧promotion, 叫主菜有餐汤、蒜蓉包同埋饮品送，好抵食。上菜的时候先知原来叫呢碟青口有蒜蓉包送。四条蒜蓉包，望落去虽然好食，但系未摆落口已经觉得饱咗。青口嘅忌廉汁底偏咸，就咁食会觉得太重口味，点少少蒜蓉包一齐食就啱啱好，都几惹味。呢碟叫「前菜」的青口我觉得已经达到主菜的份量。呢个Pizza都算系惊喜，蜜糖芥茉甜甜地，配上佢嘅腊肉肠同芝士，又甜又咸嘅味道摆落口啱啱好match，几开胃，薄身嘅薄饼底唔会令人食滞，好食。仲有个西班牙海鲜饭，不过我哋唔记得影相。觉得系正常发挥。两个人埋单四百零蚊，叫咗三道菜，整体来讲我觉得都几好食同埋价钱合理，会推介朋友黎食。