十三姨 (通菜街)

营业中

休息中

早排已经食过一次十三姨，俾佢个鸡丝捞饭深深咁吸引住，今次决定再黎回味一番。呢间餐厅常常爆满，不过呢排疫情就少啲人排队，我今次平日七点入座都唔需要排队就直接入到去。大三元个人最中意呢个鸡丝捞饭，配合葱花同埋炸蒜，成碗饭好香好下饭，唯一就系有啲油腻。糖心蛋就正常发挥，鸡叉烧肉质都算幼嫩。但系我会觉得再浓味少少会好食啲。炙烧鸡叉烧汤阳春面呢一款本身系米粉，朋友转左阳春面。汤底觉得系用新鲜鸡炮制而成嘅，唔似出边𠮶啲味精汤。至于个阳春面我觉得就一般，同平时喺超市买返嚟𠮶啲白挂面煮出嚟口感差唔多。椒盐鱿鱼须虽然佢包住一层面包糠，但系炸出嚟成条鱿鱼酥系霖身的，唔脆。个人觉得麻麻地。