澳門仔火鍋串燒專門店 (已結業)

今晚约咗朋友行朗豪坊， 之后一直沿住砵兰街行到差不多到油麻地， 都冇心水食乜好，经过见到呢间 门口有游水海鲜，原来系任食火锅，啱晒我哋呢班为食一族！试吓店外宣传的一个花胶鸡锅，呢个鸡窝同麻辣鸡煲完全两回事，入口很鲜甜，原来用成只鸡嚟煲， 仲有党参， 杞子， 红枣等等配料，果然足料！海鲜拼盘海生虾十分新鲜，咬落爽口，鲜甜味美！蟹肉有很多膏，而且肉质扎实，连啲脚位都一串串肉出嚟！桶蚝很大只很有海水味道，咬落口蚝味十足！仲有记得要打卡仲送盐烧乳鸽免费食！呢度啤酒汽水任饮的，啱晒我两位老友，佢哋系无酒不欢的！其他火锅配料都系任点 任叫， 韮菜饺，韮菜颜色翠绿，猪肉平均没有太多肥膏，好食！上菜速度算快及店员态度都很友善，价钱合理，绝对值得推介给各方胃食好友。